Hrafnreyður KÓ landar sínu sjötta dýri í dag við Hafnarfjarðarhöfn. Dýrið veiddist í Faxxaflóa í gærdag. Rúmlega sjö metra tarfur.

Dýrið fer beina leið í vinnslu Hrafnreyðar í Hafnarfirði og verður skorið þar niður fyrir verslanir og veitingahús. Sala á hrefnukjöti er komin á fullt skrið og búið að dreifa í allar verslanir landsins þremur tegundum af marineruðu hrefnukjöti og einni tegund af hreinum vöðva- - allt vakúmpakkað úrvalshrefnukjöt á grillið í kvöld

Hrafnreyður landaði í gærkvöldi tveim dýrum við Hafnarfjarðarhöfn. Dýrin voru meðalstór og þokkaleg fita komin á þau miðað við tíma.  Bæði dýrin voru veidd í Faxaflóa og voru af sitthvoru kyninu.

Dýrin verða unnin um helgina í kjötvinnslu Hrafnreyðar við Grandatröð 4 í Hafnarfirði og dreifing á kjötinu fer á fullt strax eftir helgi.

Veðurútlit fyrir næstu daga er ágætt og stefnan sett á að fara út aftur á sunnudag

   Mikið hefur verið af hrefnu í dag í Faxaflóa. Hrafnreyður fór út í morgun og var búin að veiða eitt dýr núna síðdegis og var ætlunin að reyna ná öðru áður en lagt var að stað til baka í Hafnarfjörðinn. 

 Hrafnreyður KÓ - 100 veiddi sína fyrstu hrefnu þetta sumarið nú síðdegis í dag. Dýrinu verður landað í fyrramálið við Hafnarfjarðarhöfn og fer beint í vinnslu og dreifingu. Það verður því komið nýtt og ferskt hrefnukjöt í verslanir og á veitingahús í vikunni